Астанада Димаш Құдайбергеннің концерті өтіп жатыр

Елордадағы «Астана Арена» алаңында қазақтың өнерпаз баласы Димаш Құдайберген жеке концертін беріп жатыр, деп хабарлайды 24kz.

Милиондаған жүректерді жаулаған әртістің кешіне әлемнің 80-нен аса елінен көрермен жиылған. Іс-шараның басы-қасында біздің түсірілім тобымыз да жүр.

Блиц 1:

- Түркияның әдемі Ыстамбұл қаласынан келгенбіз. Астанаға екінші рет баруым. Ең алғашқы рет 2019 жылы Астана Нұрсұлтан болғанда Димаштың концерті болды. Сол концертке бардық. Енді екінші концертке келдік. Мен 2019 жылы Түркияға қайтқанда қазақ тіліне деген қызығушылығым ашылды. Солай үйрене бастадым. Димаштың әндері, сұхбаттары арқылы үйрендім.

Блиц 2:

- Біз бүгінгі керемет кешке Канададан келіп отырмыз. Бұған дейін 2019 жылы Астанадағы және 2022 жылы Алматыдағы концертке келдім. Димаштың 10-15-ке жуық әнін білемін. Қазақ жігіті француз әнін орындағанда таңғалдым. Содан бері оның әндерін тыңдап келдім.

Блиц 3:

- Мен Испаниядан Димаш Құдайбергеннің концертіне арнайы келдім. Оның дауысы мен әнді орындау мәнері ерекше. Димаштың шығармашылығы жастардың бойында өнерге деген жаңа көзқарасты қалыптастырды деп айта аламын.