Halyk IMAX Kinopark 16 кинотеатрының ашылғанына бір жыл толды
Орталық Азиядағы ең үлкен әрі заманауи экранмен жабдықталған Halyk IMAX Kinopark 16 кинотеатрының ашылғанына бір жыл болды.
Бұл Kinopark & Kinoplexx кинотеатрлар желісінің 19 жылдық жұмысының жемісі. Салтанатты шара кезінде көрерменге кинокомпанияның жаңа логотипі таныстырылды.
Aport East моллындағы Halyk IMAX Kinopark 16 кинотеатры былтыр қазанда ашылған. Мұндағы кинозалдардың бірегейі Halyk IMAX. Заманауи технологиямен жабдықталған залда Орталық Азиядағы ең үлкен экран қойылған. Бейне мен дыбысы мінсіз құрылғылар германиялық Cine Project компаниясының өнімі. Бұл әлемдегі ең озық технология.
Франц Кобер, Kinopark & Kinoplexx желісінің серіктесі /Германия/:
- Кинопарк компаниясымен серіктес болғанымызға 15 жылдан асты. Осы компанияны құрылған күнінен бастап бақылап келе жатырмын. Мұндағы кинозалдар әлемдегі соңғы технологиямен жабдықталған. Сіздердің кинотеатр еуропалық кино залдарына қарағанда ең заманауи және әдемі.
Kinopark & Kinoplexx желісі жаңа жобаларыменде таныстырды. Компания басшысы Алмаз Малдыбаевтың айтуынша, шалғай өңірдің тұрғындары да сапалы кино көруге құқылы. Осы мақсатта алдағы жылы тағы 50-ден аса зал ашылмақ. Әзірге жетеуі қолға алыныпты. Елімізде 451 кинозал болса, соның 151-і Kinopark & Kinoplexx желісіне тиесілі.
Алмаз Малдыбаев, Kinopark & Kinoplexx Theatres президенті:
- 2022 жылы Қазақстанда 38 кино шығарылған, 2023 жылы 65 кино шығарылды. Қазір осы 2024 жылы жүз шақты кино шығып жатыр. Оның 70-і көрсетілді. Жылдың аяғына дейін тағы да 30 кино көрсетілуі керек. Жылдан-жылға 20-30 пайызға кино түсіру өсіп келе жатыр.
Орталық Азиядағы ең үлкен кинозалдың бір жылдығы салтанатты түрде аталып өтті. Қонақтарға дастақан жайылып, музыкалық шоу бағдарламамен әрленді. Қонақтар Halyk IMAX кинозалында Tiger Films компаниясы түсірген «Парковщики» фильмін тамашалады.
Аршын Кемелжан, Әбен Нарымбаев