Президент Р. Мұқанованы мерейтойымен құттықтады

Бүгін Қалибек Қуанышбаев атындағы Қазақ мемлекеттік академиялық музыкалық драма театрында еліміздің еңбек сіңірген қайраткері, белгілі жазушы-драматург Роза Мұқанованың мерейтойына арналған салтанатты кеш өтті, деп хабарлайды 24KZ.

Іс-шараға қатысқан Сенат төрағасы Мәулен Әшімбаев Мемлекет басшысы Қасым-Жомарт Тоқаевтың құттықтау хатын оқып берді. Өз құттықтауында Президент жазушыны өзінің бірегей қолтаңбасымен қалың оқырманның жүрегінен орын алған қарымды қаламгер, дарынды драматург ретінде құрметтейтінін атап өткен. Ал Сенат спикері Мәулен Әшімбаев Роза Мұқанованың шығармашылығы қазақ әдебиетінің қазынасына айналған нағыз классика екенін атап өтті. Жалпы драматург шығармаларының басым бөлігі шетелдерде де кеңінен танымал.