«Хабар» арнасында түріктің «Бахар» сериалы көрсетіледі

Түркияның былтырғы телемаусымындағы рейтингісі ең жоғары сериал енді «Хабар» арнасынан көрсетіледі. Бір қызығы, «Бахар» атты телехикаяның танымалдығы әр сериал сайын артып отырған.

Сериалдың басты кейіпкері – Бахар есімді келіншек. 20 жыл бұрын хирург күйеуінің жағдайын жасап, отбасы қамы үшін дәрігер атану арманынан бас тартқан. Екі баласы ер жеткенде үй іші қиындықтарға тап болады. Бахар өз өмірін отбасы берекесі үшін сарп еткенімен, қадірін бағалайтын жандардың аз екенін сол кезде түсінеді. Сөйтіп, өмірін түбегейлі өзгертуге бел буады. Кейіпкермен бірге айналасындағы адамдар да өзгере бастайды.

Терең эмоцияға толы сериал «Хабар» арнасында ақпанның 6-сы күні сағат 20:00-де қалың көрерменге жол тартады.