Қарағандыда некесін қидыруға бара жатқан жас жұбайлар сайлау учаскесіне соғып, дауыс берді

Қарағандыда некелерін қидыруға бара жатқан жас жұбайлар жолшыбай сайлау учаскесіне соғып, дауыс берді.

Бұл Нұрболаттың 3, ал Қарлығаштың 2-рет сайлауға қатысуы екен. Жастар неке қидыруға 8 желтоқсанда арыз берген. Сондықтан бұл күннің сайлауға дөп түсетінін алдын ала білдік, дейді олар. Ырымдап шаңырақ көтеретін күнді елдегі тарихи оқиғамен байланыстырған. Айтуынша, карантиндік шектеулерге байланысты тойды туған-туыстың арасында, шағын ортада өткізбек.

Нұрболат Нұртай, қала тұрғыны:

- Жоспарымыз осындай тарихи күнге сәйкес келіп қапты. Сондықтан отбасымызды құрап отырып, отбасымызбен бірге сайлауға қатысуды шештік. Әр Қазақстан азаматы белсенді болуы керек деп ойлаймын. Өзіміз енді кішігірім отбасымызбен атап өтпекпіз.