426,94 518.00 5.91
+7 (7172) 757 485 24kz@khabar.kz
ҚАЗ

Қазақстанда карантин кезінде ажырасу саны азайды

  • 258
  • UPD: 10:28, 10.02.2021
Қазақстанда карантин кезінде ажырасу саны азайды

2020 жылдың үш тоқсанында елімізде 87,6 мың неке және 17,3 мың ажырасу тіркелді, деп хабарлады ranking.kz.

Өткен жылдың сәйкес кезеңімен салыстырғанда неке саны 15,7% төмендеді, ал ажырасу саны 2,6 есе азайған.

Дегемен көптеген елде жағдай басқаша. Сонымен, BBC News 2020 жылдың бірнеше айында карантин уақыты ажырасулар санының көбеюіне әсер еткенін хабарлады. Мысалы, Ұлыбританияда ресми ажырасулар санының жыл сайынғы өсімі шамамен 20%-ті құрады.

Қазақстандағы жағдайға тоқталатын болсақ, ажырасу мен некеге тұру қатынасы 2020 жылғы қаңтар-қыркүйекте рекордтық деңгейде ең төменгі 19,8% құрады.

2020 жылдың қаңтар-қыркүйек айларында қиылған некелердің 69%-і қалаларда тіркелген: 60,4 мың, өткен жылмен салыстырғанда 17,5% аз. Ал ауылдық жерлерде некеге тұру саны бір жыл ішінде 27,6 мыңға дейін азайып, 11,6% төмендеді.

2020 жылғы қаңтар-қыркүйек айларында Қазақстандағы ажырасулардың 73,4%-і қалаларда тіркелді: 12,7 мың (бір жыл бұрын – 73,3%), ал 26,6%-і ауылдық жерлерде тіркелді: 4,6 мың. Дегемен қалалар мен ауылдық жерлерді қоса есептегенде бір жылда елдегі ажырасулар саны 2,6 есе азайды.

Қазақстанның барлық аймағыда некеге тұру саны да қысқарды. Ол Шымкентте (-27,4%), Қостанай облысында (-19,8%) және Алматыда (-18,3%) байқалады.

Ал ажырасу санының анағұрлым төмендеуі Қызылорда (4 есе), Атырау (3,7 есе) және Батыс Қазақстан (3,1 есе) облыстарында байқалды.

Хабар 24 телеарнасы