470,90 450,91 8,85
+7 (7172) 757 485 24kz@khabar.kz

Ақтауда теңіз жағажайында итбалық мүсіні пайда болды

  • 216
  • UPD: 23:44, 25.01.2022

Ақтаудағы 15 шағын аудан жағажайында итбалыққа мүсін орнатылды, деп хабарлайды «Хабар 24».

Биіктігі 2,3 метрлік архитектуралық нысан демеуші қаржысына жасалған. Салмағы 300 келіден асатын ескерткіш – шығармашылық ұжымның еңбегі. Жоба авторлары мүсінді қоғамдық орынға қоюдың өз мәні бар екенін айтады. Бұл теңіз жануарын аяусыз қырып-жоюға қарсылық ретінде көзқарастарын білдірсе керек. Каспий итбалығы жойылып кетудің аз-ақ алдында тұр. ХХ ғасырда олардың саны 1 миллионға жуықтаған. Қазір кей басылымдар 100 мыңға жетер-жетпес итбалық қалғанын жариялап жүр. Теңіз сүтқоректісі 2020 жылы 13 қарашада Үкімет қаулысымен Қазақстанның Қызыл кітабына енді.

Хабар 24 телеарнасы