Семейдегі түрмеде көкөніс өсіріледі
Семейде қатаң тәртіптегі түзету мекемесінде көкөніс өсіріледі.
Салат жапырақтары, күнзе, аскөк, ақжелкен, пияз және қызанақ пен қияр секілді өсімдіктерді өсіріп баптаумен жазасын өтеушілер айналысады. Ерекшелігі – олар бұл көкөністердің көбін әрі кетсе 2 аптада дайын қылады. Кейбірі тіпті, бір аптаға жетпей жиналады, – дейді мұндағылар. Ол үшін арнайы жабдықталған жылыжай бар. Түзету мекемесі табиғи өнімдерді ара-тұра ауруханаларға да жіберіп тұрады.
Руслан Қамаржанов, 156/14 түзету мекесі бастығының орынбасары:
– Шығарылған өнімдеріне қалада сұраныстар өте көп. Сотталғандар жұмыстарын жасап, алған жалақыларына сот үкімі бойынша бекітілген талап парыздарын өтейді және де отбасыларына ақша жіберіп, көмектеспі отырады.