Өзбекстанда жолаушы тасымалы басталды
Бүгіннен бастап Қазақстан мен Өзбекстан арасында теміржол қатынайды, деп хабарлайды «Хабар 24».
Екі жылдан бері жолаушылар тасымалы тоқтап қалған еді. Енді ек ел азаматтары Алматы – Ташкент және Нүкіс – Бейнеу бағыттары бойынша еркін қатынай алады. Алғашқысы аптасына 3 рет жүреді. Шекарада кей карантиндік талаптар әлі де күшін жойған жоқ. Мәселен жолаушылар вакцина паспорты немесе ПТР-тест сынамасын көрсетуі шарт.
Әлішер Абдуллаев, теміржол компаниясы тариф бөлімінің басшысы:
– 2020 жылға дейін екі ел арасындағы жолаушы тасымалының көлемі көп болды. Нұр-Сұлтан мен Самарқан арасында да пойыз қатынады. Қазір оны іске қосу жайы қарастырылып жатыр. Ресейге дейінгі бағыттар бойынша да келіссөздер жүреді.