Шымкентте полиция қызметінің бұрынғы бастығына қатысты тергеу жүруде

Шымкент қаласы Полиция департаментінің жергілікті полиция қызметінің бұрынғы бастығына қатысты сотқа дейінгі тергеу жүруде. Бұл туралы Сыбайлас жемқорлыққа қарсы іс-қимыл департаменті хабарлады.

Шымкент қаласы бойынша Сыбайлас жемқорлыққа қарсы қызметі Шымкент қаласы Полиция департаментінің жергілікті полиция қызметінің бұрынғы бастығына қатысты қызмет бабын пайдалана отырып алаяқтық фактісі бойынша, Қылмыстық кодекстің 190-бабы 3-бөлігі 2-тармағы бойынша сотқа дейінгі тергеу жүргізуде.

Ағымдағы жылдың 25 сәуірінде М. Бұхарбаев қылмыстық іс жүргізу кодексінің 128, 131-баптарының тәртібінде ұсталып, уақытша ұстау изоляторына қамалды.

Сотқа дейінгі тергеу жалғасуда.