Қонаев қаласының іргесінде қоқыс полигоны өртенді
Қонаев қаласының іргесіндегі қатты тұрмыстық қалдықтар тастайтын полигон аумағынан өрт шықты.
Өрт сөндірушілер кешелі бері мың шаршы метр аумақты қамтыған қызыл жалынмен алысып жатыр. Тереңдігі төрт метрге дейін жететін қоқыстың бықсып жануы мен желдің бәсеңсімеуі өрт сөндірушілерге айтарлықтай кедергі келтіруде. Қазір қоқыс тастауға арналған полигон аумағында жерді қалпына келтіру, топырақпен толтыру жұмыстары қоса жүргізіліп жатыр. Зардап шеккендер жоқ. Өрттің шығу себебі анықталу үстінде.
Самат Кенжехан, облыстық ТЖД Мемлекеттік өрт бақылау басқармасының бастығы:
- Қонаев қаласында қатты тұрмыстық полигонының аумағында қоқыстың жануы орын алды. Өрт сөндірушілер тереңдігі төрт метрге дейін мың шаршы метр аумақта қоқысты сөндіруде. Төтенше жағдай туындаған жағдайда 112 номеріне қоңырау шалыңыз.