Шекарада есірткі тасымалдаған Өзбекстан азаматы ұсталды
Шекарада тұтылып, есірткі жұтты. Маңғыстау облысындағы кеден бекетінде Өзбекстан елінің азаматы ұсталды деп хабарлайды 24kz.
Көлігін тексеру барысында жасыл орамадағы белгісіз зат табылған. Күдікті бірден оны қызметкердің қолынан жұлып алып, жұтып қойды. Азамат бірден ауруханаға жеткізіліп, асқазанынан бөгде зат алынды. Жүргізілген сот сараптамасының нәтижесі тәркіленген зат психотроптық метамфетамин гидрохлориді екенін көрсетті. Салмағы 1,26 граммға дейін жетеді. Қолға түскен азамат уақытша ұстау изоляторына қамалды. Аталған факт бойынша сотқа дейінгі тергеу амалдары жүріп жатыр.