Майқайыңдағы апат: құтқарушының денесі табылды
«МайқайыңАлтындағы» апатқа қатысты жаңа дерек. Жер қазу жұмыстары кезінде 70 метр тереңдіктен құтқарушының денесі табылды деп хабарлайды 24kz.
Оның 36 жастағы Айдос Шаймерден екені белгілі болды. Ол биыл қаңтардың басында ескі шахта шұңқырына автобуспен құлап кеткен 4 адамның бірі. Қазір мәйіт медициналық тексеріске жіберілді. Мамандар қайтыс болған адамның туыстарына психологиялық көмек көрсетіп жатыр. Қайғылы оқиға 4 қаңтарда Павлодар облысында болды. Сол күні қаза тапқан 2 адам табылып, жер бетіне шығарылды. Ал 55 жастағы автобус жүргізушісі Айып Тілеубергенов әлі табылған жоқ.