«Майқайыңалтын» кәсіпорынында «жер жұтқан» автобус табылды
«Майқайыңалтында» апатқа қатысты жаңа дерек.
Іздеу жұмыстары кезінде 7 айдан кейін құтқарушылардың автобусы табылды. Бұл ақпаратты облыстық төтенше жағдайлар департаменті растап отыр. Бірақ ауа райының қолайсыздығына байланысты жұмыс өте баяу жүріп жатыр. Қазба жұмыстары кезінде көліктің алдыңғы бөлігі көріне бастаған. Бір апта бұрын оқиға орнында бір адамның мәйіті табылған еді. Ол биыл қаңтардың басында ескі шахта шұңқырына автобуспен құлап кеткен 4 адамның бірі болды.