Балқашта екі қабатты тұрғын үй өртенді

Қарағанды облысы Балқаш қаласында екі қабатты үй өртеніп, 8 отбасы далада қалды.

Зардап шеккендер жоқ. Тілсіз жау таңғы сағат 4-тер шамасында тұтанған. Өрт сөндірушілер қызыл жалынмен 2 сағат алысқанымен, 700 шаршы метр жер дем арасында күлге айналған. Қазір баспанасыз қалған 50-ге тарта тұрғын мектеп-интернатты паналауда. Үкімет оларды мемлекет меншігіндегі үйлерге жалға алу жүйесі бойынша орналастырмақ. 

Руслан Сыздықов, Балқаш қаласы әкімінің орынбасары:

- Барлық тұрғындарға алғашқы медидциналық, психологиялық көмек көрсетілді. Бүгінгі таңда еріктілер мен кәсіпкерлер тұрғындарды тамақпен, киіммен қамтамасыз етуде. Оларда уақытша үй жаймен қамтамасыз ету бойынша шаруалар жасалуда.