Алматы облысында таудағы туристер құтқарылды

Алматы облысында тауға шығып, түсе алмай қалған 3 жігіт құтқарылды, деп хабарлайды 24KZ.

Оқиға Қарасай ауданында болған. Туристердің бірі қайтар жолда өзін жайсыз сезініп, сапарды жалғастыра алмағандықтан, құтқарушыларға хабарласады. Жергілікті жер жайын жақсы білетін мамандар қалың тұманға қарамастан оларды тез тауып, медициналық көмек көрсетті. Қазір зардап шеккендер отбасына жеткізілді.