Алматыда өрт сөндірушілер жарылыстың алдын алды

Алматылық өрт сөндірушілер жанар-жағармай  бекетіндегі жаралыстың алдын алды. 

Апат туралы хабарлама қалалық өрт сөндіру қызметіне кешкі сағат 16:48-де түскен. Оқиға орнына шұғыл жеткен құтқарушылар отқа оранған көлікті тез арада сөндірді. Алайда жалын тілі газ құю құбырына ауысқан. Осы сәтте аға өрт сөндіруші Елдар Молдабаев газ резервуарының бұрамасын жауып үлгерді. Сөйтіп, отты сөндіріп, қауіптің бетін қайтарды. "Зардап шеккендер жоқ» деп хабарлады қалалық Төтенше жағдай қызметінің баспасөз қызметі.