Жамбыл облысында жол апатынан 7 адам көз жұмды

Оқиға кеше сағат 18:30 шамасында «Батыс Еуропа – Батыс Қытай» автожолында болды, деп хабарлайды 24kz.

Cadillac Escalade маркалы көлігінің жүргізушісі алда келе жатқан автомобильді басып озып, қарсы бағытқа шығады. Сол сәтте қарсы келе жатқан жүк көлігі жеңіл көлікті қағып өтеді. Cadillac Escalade өз жолына түсемін дегенде «Газель» көлігімен соқтығысады. Салдарынан екі көлікте де от тұтанып, жанып кетеді.

Гүлсара Мұқтарқұлова, Жамбыл облыстық ПД баспасөз хатшысы:

- Оқиға орнында 37 жастағы «Газель» автокөлігінің жүргізушісі, 30 жастағы Cadillac Escalade көлігінің жүргізушісі мен оның 5 жолаушысы қаза тапты. Оның ішінде 2 жасар бала да бар. Аталған дерекке қатысты сотқа дейінгі тергеу амалдары басталды.