Петропавлда көпқабатты үйден өрт шығып, 217 адам эвакуацияланды

Петропавлда көпқабатты тұрғын үйдің сегізінші қабатынан өрт шықты, деп хабарлайды 24kz.

Құтқарушылар пәтерден 3 адамды шығарып алды. Біреуі ауруханаға жеткізілді. Тағы 217 адам эвакуацияланды. Төтенше жағдайлар министрлігінің мәліметінше, қазір өрт толық сөндірілген. Қызыл жалынның шығу себептері мен шығын көлемі анықталып жатыр.