Қ.Тоқаев: Қауіпсіздік шараларын сақтау қажет

Мемлекет басшысы сондай ақ қазіргі эпидахуалға тоқталды, деп хабарлайды «Хабар 24».

Елдегі және жалпы әлемдегі күрделене бастаған жағдайға орай Қасым-Жомарт Тоқаев «мекемеаралық комиссияның жұмысын күшейту қажет, сондай-ақ ревакцинация науқанын жандандырған жөн. Бұл жұмыста ешқандай асыра сілтеу болмауы керек. Шағын және орта бизнестің мүддесін ескерген абзал» деді.

«Дүниежүзілік денсаулық сақтау ұйымының мәліметі бойынша коронавирус жұқтырғандар көбейіп келеді. Соңғы екі аптада науқастардың саны 30 пайызға артқан. Біздің елде де ахуал күрделене түсті. Алматы «қызыл» аймаққа қайта кіруі мүмкін. Негізгі себеп – тұрғындар мен дәрігерлердің қауіпсіздік шараларын сақтамауы. Мекемеаралық комиссияның жұмысын күшейту қажет. Сондай-ақ ревакцинация науқанын жандандырған жөн. Бұл жұмыста ешқандай асыра сілтеу болмауы керек. Шағын және орта бизнестің мүддесін ескерген абзал».