Президент Пәкістан басшылығына көңіл айтты

Қасым-Жомарт Тоқаев Пәкістан Президенті Ариф Алви мен Премьер-министрі Шахбаз Шарифке көңіл айту жеделхатын жолдады үлгерген, деп хабарлайды «Хабар 24».​

Мемлекет басшысы Пешавар қаласындағы мешітте болған лаңкестік әрекет салдарынан көптеген адамның қаза тапқаны және зардап шеккені туралы суыт хабарды терең күйзеліспен қабылдағанын жеткізді. «Мен пәкістандықтармен бірге барлық дінге, адами наным-сенімге қайшы, ақылға сыйымсыз осы жантүршігерлік зорлық-зомбылық әрекетін қатаң айыптаймын. Терроризмнің кез-келген түріне жол беруге және оны ақтауға болмайды. Қазақстан халқының және жеке өз атымнан қаза тапқандардың отбасыларына қайғырып көңіл айтамын. Осындай қайғылы сәтте біз Пәкістан халқымен біргеміз», - деп жазылған жеделхатта.