ШЫҰ саммиті: 700-ден астам тілші хабар таратып жатыр

Шанхай ынтымақтастық ұйымы саммиті туралы 30 елден келген 700-ден астам тілші тікелей эфир арқылы ақпарат таратуда.

Әлемдік деңгейдегі Бұқаралық ақпарат құралдарының өкілдері Бейбітшілік және келісім сарайында жұмыс істеп жатыр. Олар бір күн бойы саммит отырысының тікелей трансляциясын бақылап, сарапшылармен сұхбат құрады. Саясаттанушылармен әңгімелесіп, халықаралық жиын барысы туралы ұдайы ақпарат таратады.

Ян Иджи, тілші: /ҚХР/

- Бүгін саммитте қабылданатын кез келген шешім әлем үшін маңызды деп сенімді түрде айта аламын. Оның үстіне, биылғы отырыс Қытаймен достық байланысы бар әрі көрші мемлекет Қазақстан аумағында өтіп жатыр. Мұнда біздің 20 тілші мен операторлар жұмыс істеп жүр. Олар мемлекеттік сапар мен саммит туралы хабар таратады.