Ерлан Қарин вандализмге қарсы заңның негізгі тетіктерін атады
Мемлекет басшысы вандализмге қарсы күрес туралы заңға қол қойды.
Бұл Ұлттық құрылтайдың үшінші отырысында көтерілген бастамаларды жүзеге асыру аясында қабылданған төртінші заң. Мемлекеттік кеңесші Ерлан Қарин өзінің телеграмдағы парақшасына осылай деп жазып, құжаттың негізгі тетіктерін атап өтті. Президент Атырауда сөйлеген сөзінде тәртіпсіздік пен мәдениетсіздік сынды кеселдермен күресуге шақырып, вандализмді «теріс қылық» деген болатын. Ал қабылданған заңда қоғамдық орындарды ластау, бөтеннің мүлкін қасақана жою немесе бүлдіру, және тарихи-мәдени ескерткіштерді, табиғи кешендерді немесе мемлекет қорғауға алған объектілерді, жалпы құндылығы бар заттар мен құжаттарды қасақана жою үшін жауапкершілік күшетілді, - делінген телеграм-хабарламада.
Президент вандализмге қарсы күрес мәселесіне қатысты нормативтік актілерге өзгерістер енгізуді көздейтін заңға қол қойды. Бұл Ұлттық құрылтайдың үшінші отырысында көтерілген бастамаларды жүзеге асыру аясында қабылданған төртінші заң. Бұдан бұрын вейптерге тыйым салуға, әйелдердің құқықтарын қорғауға және балалардың қауіпсіздігіне, «Айбын» орденінің түрлі дәрежелеріне батырлардың есімін беруге қатысты заңға қол қойылған болатын.
Мемлекет басшысы Атырауда сөйлеген сөзінде тәртіпсіздік пен мәдениетсіздік сынды кеселдерге қарсы күресуге шақырып, вандализмді теріс қылық деп атап өтті.
Қол қойылған заңда:
- қоғамдық орындарды ластау;
- бөтеннің мүлкін қасақана жою немесе бүлдіру;
- тарих, мәдениет ескерткіштерін, табиғи кешендерді немесе мемлекет қорғауға алған объектілерді, сондай-ақ ерекше тарихи, ғылыми, көркемдік немесе мәдени құндылығы бар заттарды немесе құжаттарды қасақана жою немесе бүлдіру үшін жауапкершілік күшейтілген.