Шавкат Мирзиёев «Алтын қыран» орденімен наградталды

Қасым-Жомарт Тоқаев Өзбекстан Президентіне Қазақстан Республикасының ең жоғарғы мемлекеттік наградасы – «Алтын Қыран» орденін табыс етті, деп хабарлайды 24kz.

Мемлекет басшысы марапат кезінде Шавкат Мирзиёевті Өзбекстанның нағыз көшбасшысы, халықаралық деңгейдегі саясаткер ретінде танитынын айтты. Сондай-ақ екі ел арасындағы қарым-қатынасты нығайтуға өлшеусіз үлес қосқан көрнекті мемлекет қайраткері ретінде құрметтейтінін жеткізді. Өз кезегінде мәртебелі мейман қазақ әріптесі мен бауырлас халыққа ризашылығын білдірді.