Ақмарал Ерекешева көркем гимнастикадан Әлем кубогы кезеңінде қола жүлдеге ие болды

Қазақстандық гимнаст Ақмарал Ерекешева Бакуде өтіп жатқан Әлем кубогы кезеңінде үшінші орын иеленді. Бұл туралы 24KZ Olympic.kz сайтына сілтеме жасап хабарлайды. 

Спортшы таспамен орындалатын жаттығуда қола жүлдеге қол жеткізді.

Финалда Ерекешева 27 ұпай жинады.

Германия өкілі Дарья Варфоломеева жарыс жеңімпазы атанды — 28.800 ұпай. Италия гимнасты София Раффаэли 28.500 ұпаймен екінші орынды иеленді.

Айта кетейік, Ерекешева шығыршықпен орындалатын жаттығудың финалында да өнер көрсетіп, алтыншы орын алды (27.950).

Ал көпсайыстың қорытындысы бойынша отандасымыз оныншы орынға тұрақтады.