Жеңіл атлетіміз Нора Джеруто мәреге екінші жетті

Қазақстандық жеңіл атлет Нора Джеруто Азия ойындарының күміс жүлдегері атанды. 

Спортшы 3 мың метрге кедергілер арқылы жүгіруден екінші болып мәре сызығын қиды. Нора қашықтықты 9 минут 6 секундта бағындырды. Алтын медальді бахрейндік Яви Винфред жеңіп алды, оның нәтижесі – 9 минут 4 секунд. Үндістандық Парул Чаудхари үздік үштікті түйіндеді.