Елордада көркем гимнастика орталығы қолданысқа берілді
Гимнасшылар мәселесі шешілді. Елорада көркем гимнастика орталығының ашылу рәсімі өтіп, ресми түрде қолданысқа берілді, деп хабарлайды «Хабар 24».
Су жаңа ғимараттың аумағы 1000 шаршы метрден асады. Ал биіктігі 14 метрге жуық. Яғни, көркем гимнастика талаптарына толықтай сай кешенде енді жүздеген өрен шеберлік шыңдайды.
Айта кетейік, жас спортшылар бұған дейін жаттықан Тәуелсіздік сарайына жөндеу жұмыстары жүргізіліп, балалар әртүрлі жерде дайындықты пысықтауға мәжбүр болды. Ал спортқа жауапты басқарма қаладағы нөмірі бірінші спорттық мектеп басшылығымен бірге тығырықтан шығудың жолдарын іздеді. Енді Астанадағы балалар мен жасөспірімдер осы жерде алаңсыз дайындық өткізе алады.
Ал сананың басы-қасындағылар тағы бірқатар залды қолданысқа беруді көздеп отыр. Өйткені қалада халық саны жыл сайын артып жатыр және әсіресе дәл осы спорт түріне деген қызығушылық жоғары. Тағы бір себеп, Астана мектебінің өкілдері халықаралық және құрлықтық додаларда үнемі топ жарады.