Шахматтан Азия чемпионаты басталды

Алматыда шахматтан жасөспірімдер арасындағы 26-шы Азия чемпионаты басталды, деп хабарлайды 24KZ.

Ауқымды шараға әлемнің 34 елінен 650-ге жуық ойыншы жиналды. Жас шахматшылар 10-20 маусым аралығында классика, рапид және блиц түрлері бойынша бақ сынайды. Жасөспірімдердің Азия біріншілігі елде алғаш рет ұйымдастырылып отыр. Былтыр балалардың арасындағы құрлық біріншілігі Біріккен Араб Әмірлігінде өткен еді. Айтулы шарада қазақстандық жеткіншектер алтын, күміс, қола медальдар алып, командалық есепте 3-ші орынға тұрақтаған. Биылғы жарыста Азия чемпионы атағына үміткер ойыншыларымыз бар. Басты бәсекелес Үндістан мен Қытай ойыншылары, – дейді Қазақстан шахмат федерациясының өкілдері.