Еуро-2024: Германия плей-оффқа шықты

Германия плей-оффқа шықты.

Еуропа чемпионатының кезекті күні екінші тур ойындары өтті және алаң иесі Германия құрамасы бұл жолы Венгрия командасын ұтты. Штутгарт қаласында өткен матч 2:0 есебімен аяқталды. Германия сапынан Джамал Мусиала мен Илкай Гюндоган мергендігімен көзге түсті. Бұған қоса, қақпасына бірде-бір гол жібермеген Мануэль Нойердің де еңбегін ерекше атап өту керек. Ол дәл осы матчта Италия қақпашысы Джанлуиджи Буффонның рекордын қайталады. Яғни Еуропа чемпионатында 17 бірдей матчқа қатысып отыр. Ал келесі матчта Нойер сол рекордты жаңартады. Айта кетейік, осының алдында Германия Шотландияны 5:1 есебімен ұтқан болатын. Соның арқасында жергілікті жігіттер «А» тобында 6 ұпаймен бірінші орынға көтерілді және ең алғаш болып плей-офф кезеңіне жолдама алды. Ал Венгрия, керісінше, ең соңғы орынға сырғып, топтық кезеңінен кейін жарысты жалғастыру мүмкіндігінен айырылды.