Қоржында 45 медаль бар
Қазақстандық "классиктер" азия чемпионатында көш бастады.
Иорданияда күрес түрлерінен жастар арасындағы құрлық додасы аяқталды. Әсіресе, грек-рим күресі бойынша біздің жігіттер 3 алтын, 4 күміс және 2 қола жеңіп, жалпыкомандалық есепте бірінші орынға жайғасты.
ЕУРО-2024: Англия Словакияны жеңді
Англия құрамасы 90 минут бойы қақпаға бірде-бір гол соқпай жеңіске жетті.
Германияда футбодан Еуропа чемпионаты жалғасып жатыр. Байрақты бәсекенің плей-офф кезеңі басталды және жарыстың күн өткен сайын командалар арасындағы тартыс күшейіп келеді. Әсіресе, Англия мен Словакия кездесуі жанкүйерлердің біраз жүйкесін жұқартты. Есеп 25-минутта ашылды. Словакия сапындағы Шранц мергендігімен көзге түсті. Бір қызығы осы нәтиже 90 минут бойы өзгермеді. Тек қосымша уақытта, яғни, 95-минутта ғана Джуд Беллингем мүмкіндігін сәтті пайдаланып, таразы басын теңестірді. Ал овертаймда Харри Кейн баспен гол соғып, Англия құрамасына жеңіс сыйлады.
Осылайша ағылшындар жарысты жалғастыруға мүмкіндік алды. Ал словактар үшін құрлықтық дода осымен аяқталды. Саутгейт шәкірттері енді 6 шілдеде ширек финалдық кезеңде Швейцариямен кездеседі.
ЕУРО-2024: Испания ширек финалға шықты
Ал Испания Грузияны айқын басымдықпен ұтып, сенімді түрде ширек финалға шықты.
Бұл матчта көпшілік күткендей сенсация бола қойған жоқ. Испания құрамасы ә дегеннен қарқынды күшейтті. Алайда, қарымта шабуылдардың бірінде Ле Норман өз қақпасына гол соғып алды. Десе де испандықтар есеңгіреген жоқ. 39-минутта Родри есепті теңестірсе, 51-минутта Руис командасын алға шығарды. Ал 75-минутта дәл сол Руистың шығарған пасын Уильямс ұтымды пайдаланып, есе айырмасын одан сайын ұлғайта түсті. Бұған қоса, 83-минутта Ольмо да мергендігімен көзге түсіп, қорытынды нәтижені 4:1-ге жеткізді. Енді испания ширек финалда алаң иесі Германия командасымен кездеседі. Грузия жарыс жолынан шығып қалды.
ЕУРО-2024: Дерек
Ширек финал аясында 4 матч қалды. Бүгін Франция мен Бельгия құрамалары кездеседі.
Бұған қоса, Португалия және Словения арасындағы матч болады. Ал ертең Румыния мен Нидерланды және Австрия мен Түркия өзара мықтыны анықтайды. Германиядағы Еуропа чемпионаты 15 шідеге дейін жалғасады. Дәл осы күні финалдық мачт өтеді деп жоспарланып отыр.
Қоржынымызда 45 медаль
Ресейдің Якутск қаласында «Азия балалары» ойындары өтіп жатыр.
8-мәрте ұйымдастырылған халықаралық жарысқа ел атынан үлкен делегация аттанды және бүгінге дейін ұлттық құрама өкілдері 45 рет жеңіс тұғырына көтерілді. Мәселен, еркін күрес шеберлері 6 медаль жеңіп алды. Әсіресе, 75 келідегі Әділбек Ерболатов жарыс жеңімпазы атанды. Ал таэквондода Тоғжан Қазынабек барлық қарсыласын айқын басымдықпен ұтты. 55 келідегі жерлесіміз финалда ресейлік спортшымен жолып, 2:0 есебмен жеңіске жетті. Аяулым Сапарәлиева күміс жүлде иеленді. Дзюдршыларымыз да өте сәтті өнер көрсетті. Алғашқы күні 3 спортшымыз қола жеңіп алды. Ал Севинч Әбдіқадырова алтынға қол жеткізді. Қалған 5 салмақтағы үздіктер бүгін анықталады.
Жастар арасындағы халықаралық турнир
Төрехан Сабырхан Мұхтархан Ділдәбековтің турнирінде топ жарды.
Жастар арасындағы халықаралық турнир Түркістан қаласында өтті. Бұнда 7 елдің үздіктері жиналған болатын. Атап айтқанда, Өзбек пен Қырғыз айғайындар сол секілді Тәжік пен Грузиндер өздерінің болашағынан үміт күттіретін былғары қолғап шеберлерін әкелді. Сонымен қатар шаршы алаңда Ресей мен Моңғолия елінің өкілдері де бақтарын сынады.
Көпшілікке 67 келіге дейінгілер арасындағы Төрехан Сабырханның жекпе-жекттері қызық болды. Ол барлық қарсыласын айқын басымдықпен ұтты. Тіпті, финалдағы қарсыласы Диас Серікұлы рингке шықпады.
Айта кетейік, Төрехан Сабырхан – жастар және жасөспірімдер арасында 4 дүркін Азия чемпионы. Ол, тіпті, биыл Париж Олимпиадасының іріктеуіне баруға үмітті де болған. Алайда, жасының әлі 18-ге толмауына байланысты лицензиялық турнирден тыс қалды.
Келесі жекпе-жекке дайындық
Садриддин Ахмедов тура 2 айдан кейін шаршы алаңға шығады.
Қазақстандық кәсіпқой боксшының жекпе-жек уақыты мен орны белгілі болды.
Айта кетейік, ол дәл қазір кездесу алдынағы әзірлікті бастады. Тіпті, оған Геннадий Головкиннің өзі көмектесіп жатыр. Жаттығу залындағы Головкин мен Ахмедовтың видеосы қазір әлеуметтік желілерде кеңінен таралып, қызу талқылануда.
Сонымен, BoxRec.com сайтының хабарлауынша, Садриддиннің келесі жекпе-жегі АҚШ-тың Санта-Инес қаласында 31 тамыз күні өтеді. Әзірге қарсыласы белгісіз. Бокс кешін танымал промоутер Том Леффлер ұйымдастыратын болды.
Айта кету керек, Садриддин Ахмедов бұған дейін АҚШ-та жекпе-жек өткізбеген. Ол негізінен Канадада өнер көрсетті. Ал соңғы кездесуі Алматыда 2022 жылдың желтоқсанында болды. Ол кезде қазақ боксшысы оңтүстікафрикалық Нкулулеко Мхлонгоны бірінші раундта нокаутпен жеңді.
Аслан Қаженов, 24.KZ