Голливуд актері елордада көшпенділер ойындарымен танысты
Танымал Голливуд актері Эрик Робертс көшпенділер ойындарымен танысу үшін елордаға келді, деп хабарлайды 24kz.
700-ден астам фильм мен телехикаяға түскен белгілі актерге «Qazaqstan» жеңіл атлетика спорт кешенінде ойындардың таныстырылымын өткізді. 8-13 қыркүйек аралығында этникалық спорт түрлерінен өтетін жарысқа 89 елден екі мыңнан аса адам қатысады. Дүбірлі додада 21 спорт түрінен 97 медаль жиынтығы сарапқа салынады.
Эрик Робертс, Голливуд актері:
- Дүниежүзілік көшпенділер ойындарына алғаш рет келуім. Десе де, аз уақыт ішінде жанкүйер болып үлгердім. Сіздердің өңірлеріңіз этникалық спорт түрлерінен жарыс өткізетін жалғыз орын. Бұл жердің мәдениетімен жақынырақ танысқаныма өте қуаныштымын. Сайыстың басталуын асыға күтемін.