Е. Сметовтің жеңісі: жанкүйерлер қолдау білдірді

Париж Олимпиадасы Астанада EXPO қалашығының маңында үлкен экраннан көрсетілді, деп хабарлайды 24KZ.

Жанкүйерлер қаладағы ірі сауда орталықтарының бірінің алдына жиналды. Шаһар тұрғындары керемет көңіл күйде болып, отандастарымызға қолдау білдірді. Еліміздің дзюдо федерациясының директоры Айбек Имашев Елдос Сметовтің жеңісіне қатысты пікір білдірді.

Айбек Имашев, ҚР дзюдо федерациясының атқарушы директоры:

- Өзінің берген сұхбаттарында осы «алтын» алуға, соған еңбек етіп жүргенін білесіздер. Жасы да 30-дан асып, басқа да спорттық жарақаттары болса да, соның бәріне қарамастан Елдос тыңғылықты дайындалып, өзінің жеке бапкерімен де, өзінің жеке қойылған жоспарларымен де осы Олимпиада ойындарына дайындалып барды.