Ғ.Қырғызбаевтың әкесі: Қазақстандық спортшыларға сәттілік тілеймін

Париж Олимпиадасының қола жүлдегері Ғұсман Қырғызбаевтың жеңісті сәтін 24kz тілшілері спортшының отбасымен бірге тамашалады.

Ел болып тақым қысып отырғаны белгілі. Әсіресе, олардың отбасы, жақындары, ата-анасының тілеуі ерекше, толқынысы басым. Ғұсманның да жақындары оның шаңырағына жиналып, сын сәтті бірге тамашалады. Әр ұтымды әрекетіне бірге қуанып, әр сәтті қалт жібермеді. Өйткені бұл жеңістің салмағы қомақты. Бұл – Ғұсманның Олимпиададағы алғашқы медалі. Бұған дейін ол 2021 жылы әлем чемпионатының күміс жүлдегері атанған.

Данияр Қырғызбайұлы, әкесі:

- Қазақтың бар үмітін ақтады деп ойлаймын. Келешекте мына қалған спортшыларға жеңіс, сәттілік тілеймін. Қазақстандықтардың үмітін ақтасын. Президентіміздің үмітін ақтасын. Келешекте бәрі биіктен көріне берсін. Бәріне рахмет. Міне, қасымда егізі тұр. Қазақстандық спортшыларға сәттілік тілеймін. Баршаңызға рахмет.