Олимпиада - 2024: Қазақстан қоржынында төрт медаль бар

Олимпиаданың алғашқы тоғыз күнінде Қазақстан қоржынына төрт медаль түсті.

Дзюдодан ұлттық құрама көшбасшысы Елдос Сметов алтыннан алқа таққан болатын. Кеше ғана гимнаст Нариман Курбанов Қазақстан қоржынына күміс медаль салды. Ал сұрмергендеріміз Ислам Сәтпаев пен Александра Ле жұбы пневматикалық тапаншамен 10 метрден нысана көздеуде үздіктер қатарынан көрініп, қол жүлдеге қол жеткізді. Тағы бір қола медаль дзюдошы Ғұсман Қырғызбаевтың қанжығасында.

Елдос Сметов – Париж Олимпиадасының чемпионы

Нариман Құрбанов – Париж Олимпиадасының күміс жүлдегері

Ислам Сәтпаев – Париж Олимпиадасының қола жүлдегері

Александра Ле – Париж Олимпиадасының қола жүлдегері

Ғұсман Қырғызбаев – Париж Олимпиадасының қола жүлдегері

Осылайша Қазақстан төрт медальмен 26 орынға жайғасты. Үздік үштік қатарында Қытай, АҚШ және Франция бар.

Қытай – 18; 14; 9; 41

АҚШ – 14; 25; 25; 64

Франция – 12; 14; 16; 42

Қазақстан – 1; 1; 2; 4