Е.Сметовтің анасы: Барлық аналарға осындай қуаныш тілеймін

Париж Олимпиадасының чемпионы Елдос Сметов пен қола жүлдегері Ғұсман Қырғызбаев бастаған дзюдошыларымыз елге оралды, деп хабарлайды 24kz.

Алматы халықаралық әуежайынан спортшыларды халық ыстық ықыласпен қарсы алды. Жанкүйерлер оларға алғыс білдіріп, құрмет көрсетті. «Дзюдо құрамасының жетістігі ел мерейін үстем етіп, жастардың жігерін жани түсті», - дейді сөз алғандар. Париж Олимпиадасына дзюдодан 9 қазақстандық қатысып, 2 медаль еншіледі.

Тоқтагүл Сметова, Елдос Сметовтың анасы:

- Ана жүрегі бала үшін әр уақытта жақсы жағынан, қуанышта ғой. Қуанышымызды айтып жеткізе алмаймыз. Алла баламызға амандық берсін! Тіл-көзден сақтасын! Барлық аналарға осындай қуаныш тілеймін, спортшы балалардың аналарына!