Олимпиада күнделігі: Бүгін жарыс жолына кімдер шығады?
Бүгін жарыс жолына шығатын спортшыларға тоқталсақ. Қазір сағат Астана уақытымен 15:50 де жеңіл атлет Ольга Сафронова сынға түседі, деп хабарлайды 24kz.
Ол 200 метрлік бәсекеде бақ сынайды. Кешкісін 18:00 де грек-рим күресінің шеберлері бозкілемге шығады. Ұлттық құрама сапынан алғаш болып 60 келідегі Айдос Сұлтанғали күреседі. Отандасымыз бірінші кездесуін қырғыз спортшысына қарсы өткізеді. Артынша 130 келідегі Әлімхан Сыздықов румын балуанымен белдеседі.