«Хабар» арнасы боксшы Н. Оралбайдың кездесуін тікелей эфирде көрсетеді

Бүгін түнгі сағат 01:50-де қазақ боксы үшін Олимпиаданың басты кездесуі өтеді.

Нұрбек Оралбайдың алтын медаль үшін кездесуін Хабар арнасынан тікелей трансляция арқылы көре аласыздар. Сонымен қатар бүгін грек-рим күресінен ұлттық құрама мүшесі Демеу Жадыраевтың ақтық сындағы кездесуі өтеді. Біздің тілшілеріміз спортшының анасымен тілдесті. Ақ жаулықты ана ұлына жеңіс тіледі.   

Күлипа Бижанова, Демеу Жадраевтың анасы:

- Биылғы жыл Демеу баламның жылы. Дүниеге кішкентайы келіп жатыр, Аллаға шүкір. Келін екеуі теңімен қартайып, сол енді осы қызықтарын ары қарай жалғастырып, бір Алла қолдасын. Олимпиада, олимпиада деп Жақсылық атасы айтып еді, батасын беріп еді. Соның батасы қабыл болып, бүгін баламыз Алтын медалін алып, ортамызға оралуымызға тілектеспін. Жалғыз менің балам емес, қазақтың халқының баласы. Баламыздың өмір жасы ұзақ болсын. Дені сау болсын. Жетістіктері көп болсын!