Спорттық гимнастикадан Олимпиада чемпионы «24KZ» арнасына эксклюзивті сұхбат берді
Спорттық гимнастикадан Олимпиада ойындары мен әлем чемпионатының 5 дүркін жеңімпазы Нелли Ким арнамызға эксклюзивті сұхбат берді.
Атақты спортшы Нариман Құрбановты Париж Олимпиадасының күміс медалімен құттықтады.
Нелли Ким, спорттық гимнастикадан Олимпиада чемпионы
- Олимпиада ойындарына қазақстандық 2 гимнасттың іріктеліп шыққанына өте қуаныштымын. Бірақ қазақ қызына Париждегі байрақты бәсекеде өнер көрсету бұйырмағаны өкінішті. Қалай болғанымен, Нариман Олимпиада ойындарында сәтті өнер көрсетіп, күміс медаль еншіледі. Қазақстан үшін бұл үлкен жетістік. Себебі КСРО заманынан бергі алғашқы медаль. Былтыр Каирде өткен әлем кубогінде Нариманды марапаттау кезінде оған батамды берген едім. Енді міне, ниетімнің оңынан орын алғанына қуанып тұрмын.