Садақ ату сайысына қатысуға 35 мемлекеттен өтініш түсті

V Дүниежүзілік көшпенділер ойындарының садақ ату сайысына 35 мемлекеттен өтініш түскен, деп хабарлайды 24KZ.

Дәстүрлі садақ ату додасына қатысатын ел спортшылары қазіргі уақытта «Қазанат» ипподромында шеберліктерін шыңдап жатыр. Бұл туралы ұлттық спорт қауымдастығының баспасөз қызметі хабарлады.

Еске сала кетейік, Республикалық Дәстүрлі садақ ату федерациясы Қазақстан Республикасы Ұлттық спорт қауымдастығының құрамына кіреді.  Бұдан өзге «Бәйге», «Көкпар», «Теңге ілу», «Аударыспақ», «Жамбы ату», «Құсбегілік», «Асық ату» бар. Айталық әлемнің 89 елінен 2000-нан астам спортшы қатысатын бәсекеде 21 спорт түрінен 97 медаль жиынтығы сарапқа салынады.