Көкпаршылар Көшпенділер ойындары өтетін алаңда алғашқы жаттығуын өткізді

Қазақстандық көкпаршылар V Дүниежүзілік көшпенділер ойындарына тыңғылықты дайындалып жатыр, деп хабарлайды 24KZ.

Тақымға серке басқан жігіттер бүгін айтулы дода өтетін «Қазанат» ипподромында алғашқы жаттығуын өткізді. Енді құрама байрақты бәсеке басталғанға дейін сол жерде жаттығады. Ал сайыс 9-12 қыркүйек күндері өтеді. Әр спорт түрінен құрама сапында 12 көкпаршы болады.

Еске сала кетейік, бұған дейін өткен Көшпенділер ойындарында көкпардан жерлестеріміз финалда Қырғызстан құрамасын 4-3 есебімен жеңіп, тұғырдың алғашқы сатысынан көрінген.