Паралимпиада-2024: Қазақстан құрамасы мысырлықтармен кездеседі
Парижде өтіп жатқан паралимпиада ойындарында жерлестеріміз бүгін бір ғана спорт түрінен жарыс жолына шығады.
Отырып ойнайтын волейболдан Қазақстан ерлер құрамасы жартылай финалға шығу үшін Мысыр спортшыларымен күш сынасады.
Айта кетейік Босния мен Герцеговина екі турдан кейін максималды 6 ұпай жинап, жартылай финалға жолдама алды. Ал Мысыр мен Қазақстанда үш-үш ұпайдан бар. Қос құрама кездесуінің жеңімпазы плей-офф кезеңіне өтеді, жеңілгені бесінші орын үшін таласады. Ал В тобынан Германия мен Иран жартылай финалға ерте жолдама алды.