Дүниежүзілік көшпенділер ойындары. LIVE

Жамбы атуға 27 мемлекеттен 78 спортшы қатысты.

Олар 11 топқа бөлініп, үздіктер іріктеліп шықты. Нәтижесінде Франция құрамасының спортшысы Рафаэль Малет дүбірлі доданың алғашқы алтын медалін иеленді. Моңғолия өкілі Алтанкуяг Нергию күміс жүлдені олжалады. Францияның тағы бір өкілі Гайтан Блот «қолаға» қол жеткізді. Қазақстан ұлттық құрама мүшесі Абзал Тұлыбеков үздік бестікке ілікті.

Айта кетейік, Қазақстан құрамасы сапында Айтбек Сарыбай, Ералхан Айкөз, Батыр Бексауыт, Абзал Тулыбеков бақ сынады. Спортшыларымыз бұған дейін Әлем, Еуропа чемпионаттарында жүлделі орындарды иеленген. Спортшыларымыз алдағы үш күнде 3 стиль бойынша жүлдеге таласатын болады.