Ғ. Тынбаева дзюдодан әлемдік рейтингте алғашқы ондыққа енді

Дзюдодан Қазақстан әйелдер командасының мүшесі IJF рейтингінде екі сатыға жоғарылады. Бұл туралы Ұлттық олимпиадалық комитет мәлімдеді.

48 келі салмақта белдесетін Ғалия 12-орыннан 10-орынға көтерілді. Тынбаеваның еншісінде 3779 ұпай бар. Ғалия Тынбаева Хорватияның Загреб қаласында өткен әлемдік Гран-при турнирінде күміс медаль иеленген болатын. Ал мамыр айында Астанада өткен Grand Slam додасында алғаш рет топ жарды.