Т. Грэй: Жәнібек абсолютті әлем чемпионы болады

Қазақстандық спортшылар әлем кубогында топ жарды.

Мажарстанның Сомбатхей қаласында спорттық гимнастикадан дүниежүзілік додада өтті. Әйелдер арасындағы сында ұлттық құрама өкілі Дарья Ясинская ең үздік нәтиже тіркеп, жеңімпаз атанды. Оның жеңіс жолын артынша ерлер арасында Асан Салимов жалғады. 

Әбиба Әбужақынова татамиге оралады  

Әбиба Абу-Дабидегі гранд-слэмде күреседі. Қазақстандық дзюдошы үшін бұл Париж олимпиадасынан кейінгі алғашқы ресми жарыс болмақ. Біріккен Араб Әмірліктеріндегі әлемдік аламан осы аптада, яғни, 11-ші және 13-ші қазан аралығында болады. Оған 33 мемлекеттен 236 спортшы қатысады. Араларында 13 қазақстандық спортшы бар. Әсіресе, әлем біріншілігінің екі дүркін жүлдегері және ұлттық құраманың үздігі Абиба Әбужақыновадан үміт зор. Бұған қоса, әйелдер арасында Эсмигүл Куюлова, Назгүл Маратова және Карина Такиевалар бақ сынайды. Ал ерлер арасында Мағжан Шамшадин, Дәурен Сүйеукенов, Әділбек Берікұлы, Дархан Қойбағар, Ермек Амангелді, Жалғас Қайролла, Руслан Мұсаев және Әділет Сапарғалиевтер татамиге шығады. Ал аса ауыр салмақта Мәди Еділбаев ел намысны қорғайды.

Әлем чемпионатына дайындық

Нұрқанат әлем чемпионатында жаңа салмақта өнер көрсетеді. Дзюдошыларымыздың қалған бөлігі, нақтырақ айтқанда, әскери клуб сапындағы өкілдері Ташкент қаласындағы әскерилер арасындағы әлемдік аламанға қатысады. Ел намысысын қорғайтындар тізімінде 7 спортшы бар. Әсіресе, жеңіл салмақтағы ел үздіктерінің бірі  әрі Елдос Сметовтың негізгі бәсекелесі болған Нұрқанат Серікбаев жоғары салмақта, яғни, 66 келіде белдесетін болды. Дәл осы салмақта Қазақстанның тағы бір өкілі Жанарыс Рахметқали бар. 60 келіде Шерзод Давлатов, 73 келіде Бақытжан Әбдірахманов күреседі.Әйелдер арасында Ғалия Тыныбаева, Екатерина Токарева және Камила Берліқаш татамиге шығады.

Жәнібек абсюлютті әлем чемпионы бола алады. Бұл жөнінде The Ring журналының бұрынғы бас редакторы, қазір The Sporting News басылымында жетекші қызметтегі Том Грей мәлімдеді. Оның айтуынша. Жәнібекке жарты жылдың ішінде осы биікті бағындыруға мүмкіндік бар.  «Жәнібек Әлімханұлы қазір орта салмақтың үздігі. Егер спорттағы саясатты алып тастар болсақ, оның әлеуеті өте зор. Ол 6 айдың ішінде-ақ абсолютті чемпион атана алады. Ең басты қасрыласы ұлыбританиялық Хамза Шираз болады» деді сарапшы. Айта кетейік, Жәнібек бірер күн бұрын жаңазеландиялық Андрей Михайловичті нокаутпен ұтқан болатын. Соның арқасында, WBO және IBF нұсқалары бойынша чемпиондық атақтарын қорғап қалды. Жерлесіміз бүгінге дейін кәсіпқой рингте 16 жекпе-жек өткізіп, 16 рет жеңіске жетті. Оның 11-ін уақытынан бұрын аяқтады.

«Барыс» тағы да жеңіліп қалды

14 ойынның 12-сінде жеңілді. Құрлықтық хоккей лигасында өнер көрсететін «Барыс» кезекті рет қарсыласына есе жіберіп, жанкүйерлерін қуанта алмады. Астаналық клуб бұл жолы Екатеринбур қаласында жергілікті «Автомобилист» командасымен кездескен еді. Қазақстандық "Барыс" ойыншылары ә дегеннен басымдықты өз қолдарына алып, екі кезеңде 3:1 есебмен алға шыққан. Бірақ, алаң иелері матч соңына дейін қарымта 3 шайба соғып, қорытынды нәтижені 4:3-ке жеткізді. Осылайша «Барыс» биылғы маусымда 14 ойынның 12-сінде жеңіліп отыр. Қазір ол турнир тізімінің ең соңғы сатысында тұр. Ал, кезекті матчын бірер күннен кейін, нақытарқ айтқанда, 10-шы қазан күні Астанада өткізеді. Бұнда жарыс кестесі бойынша Обмы қаласының «Авангард» хоккей клубы келуі керек.