Жәнібек Әлімханұлы рингке қашан шығады?

Жәнібек Әлімханұлы мен Хамза Шираз ақпан айында кездеседі.

Қос мықты 22-ші ақпан күні Сауд Арабиясының Эр-Рияд қаласында жолығады. Бұл жөнінде спорт инсайдері Майкл Бенсон мәлімдеді. Оның алдында Top Rank промоутерлік компаниясының басшысы Боб Арум да осыған ұқсас пікір білдірген еді. Бүкіләлемдік бокс ұйымы қазақстандық және британиялық былғары қолғап шеберлерін жұдырықтасуға міндеттеді. Яғни, Жәнібек WBO тұжырымы бойынша чемпиондық атағын қорғауы қажет. Сәйкесінше, екеуінің менеджерлеріне келісім жасасу үшін 15 тәулік уақыт берді. Ұлыбританиялық Хамза Шираз WBO және WBC тұжырымдары бойынша әлемдік рейтингте бірінші тұр. Ол бүгінге дейін 25 кездесу өткізіп, бірде-бір рет жеңілмеген. 21 кездесуді уақытынан бұрын аяқтаған. Жәнібектің көрсеткіші 16 жекпе-жек, 16 жеңіс. Жерлесіміз WBO мен IBF тұжырымдары бойынша әлем чемпионы. Ол бірер апта бұрын Сидней қаласында жаңазеландиялық Андрей Михайловичті нокаутпен ұтты. Соның арқасында, чемпиондық атақтарын қорғап қалды.

Жалпы есепте бірінші орындамыз

Жалпы есепте бірінші орындамыз. Қатар астанасы Доха қаласында таэквондоның олимпиадалық бағыты бойынша халықаралық турнир өтті. Нәтижесінде, ұлттық құрама спортшылары ересеткер арасында 8 алтын, ал, жастар арасында 5 алтын жеңіп алып, жалпыкомандалық есепте топ жарды. Атап айтқанда, ересектер арасында Тамерлан Тілеулес, Нұрбек Ғазез, Бекарыс Бекенов және Әбдірахман Маримовтар барлық қарсыласын ұтып, жарыс жеңімпазы атанды. Әйелдер арасында дәл осындай жетістікке қазақстандық Мария Севостьянова, Нұрай Бауыржанова, Нұрай Құсайынова және Назым Махмұтова жетті. Жастар арасында Ұлықбек Торавеков, Егор Шаптефраць, Шахризода Акрамова, Нұргүл Сералиева және Нұрай Амангелді алтын жүлдеге қол созды. Бұған қоса ересектер сапында 4 күміс және 9 қола жүлдегер болса, жастар арасында 8 спортшымыз күміс алды. 6 спортшымыз үздік үштікті түйіндеді.

Шайбалы хоккейден Азия чемпионаты өтеді

Азия үздіктері Алматыға жиналды. Бұнда шайбалы хоккейден Азия чемпионаты өтеді. Алматы қаласы алғаш рет құрлықық доданы қабылағалы тұр.  Халықаралық хоккей федерациясының күнтізбесіндегі жарысқа Қазақстан, Жапония, Оңтүстік Корея және Қытай құрамалары қатысады. Байрақты бәсекенің өзі 6 және 9 қараша күндері Halyk Arena мұз сарайында болады. Олег Болякин баптайтын ұлттық құрама жігіттері қазір жарыс алдындағы соңғы дайындқыты пысқытап жатыр. Қазақстан командасы жалпы есепте бірінші орын алуды көздейді. Айта кетейік, Алматыдағы Азия чемпионаты қатысушы командалар үшін алдағы жылдың ақпан айында Қытайдың Харбин қаласында өтетін қысқа Азия ойындарына негізгі дайындық болып есептеледі.

Олег Болякин, шайбалы хоккейден ұлттық құраманың бас бапкері:

- Жарыс өте тартысты өтеді деп ойлаймын. Әсіресе, Жапония құрамасы басты қарсыласымыз болады. Біз Азия чемпионаты алдындағы жаттығу жиынын Астанада өткіздік. Бірер күн бұрын ғана Алматыға жеттік. Командадағы көңіл-күй жақсы. Жігіттер жауапкершілікті түсінеді. Ел үмітін ақтауға тырысады. Бұл жолы команданы жастардан жасақтадық. Яғни, соларға көбірек басымдық береміз.

Құрлықтық хоккей лигасы

«Барыс» соңғы 5 ойында 8 ұпай жинап, турнир тізімінде бір саты жоғарылады. Құрлықтық хоккей лигасында өнер көрсететін астаналық клубта үлкен өзгерістер болып жатыр. Ұзақ жылдар бойы таптжылмай отырған бас директоры жуырда отставкаға кетті. Оның орнына Нұрлан Оразбаев тағайындалды. Ал, бас бапкер қызметіне Ғалым Мәмбетәлиев келді.  Ол командадағы бірнеше легионермен қош айтысып, ойынға жергілікті ойыншыларды көбірек шығарып жүр. Соның арқасында 5 матчтың 2-еуінде жеңіске жетті. 2-еуінде тең түсіп, ойын тағдыры булиттер сериясында шешілді. Сондай кездесулердің бірі кеше Астанада болды. Бұнда Қазан қаласының Ақ браыс» командасы келген болатын. Бірінші кезеңде ресейлік клуб есеп ашса, үзілістен соң "Барыс" сапындағы Аңсар Шайхмедденов таразы басын теңестірді және бұл нәтиже ойын соңына дейін өзгермеді. Қосымша уақытта да ештеңе шешілмеді. Ал матч соңындағы буллиттер сериясында «Ак Барстың» жолы болды. Енді елордалық клуб келесі кзедесуін 7 қарашада өткізеді. Бұл жолы бұнда Екатеринбург қаласының «Автомобилист» командасы келеді.