Шымкентте бадминтоннан Еуразия лигасының гранд финалы басталды
Шымкентте бадминтоннан Еуразия лигасының гранд финалы басталды, деп хабарлайды 24kz.
Басты бәсекеге үш кезеңнің есебі бойынша жоғары ұпай жинаған Қазақстан құрамасының спортшыларымен өзбекстандық бадминтоншылар жолдама алды. Ал Ресей, Тәжікстан, Қырғызстан және Иран мемлекеттерінің командалары сайыстан шығып қалды. Енді байрақты бәсекеге қатысушы жастар мен абсолюттер үш күн бойы өзара мықтыны анықтайды. Дәстүрлі турнир Орталық Азия спортшыларының тәжірибе алмасып, рейтингтік бағалау жүйесінде жоғарылауына мүмкіндік береді.
Айта кетейік, елімізде соңғы жылдары бұл спорт түрі жақсы дамып келеді.
Айдын Қасен, бадминтоннан Қазақстан ұлттық құрамасының басшысы:
- Қазақстан ұлттық құрамасы осы лигада жақсы жетістікке жетеді деп ойлаймыз. Спортшыларымыз да жақсы өнер көрсетуде. Үш турдан кейін гранд финал осы Шымкентте өткізіліп отыр. Спортшыларға барлық мемлекеттер арасында тәжірибе алмасу деген сияқты ерекше көмегін тигізеді.