Балқашта Металлургтер күні тойланды

Кәсіби мереке қарсаңында балқаштық металлургтерге мемлекеттік наградалар және салалық марапаттар табысталды деп хабарлайды 24kz.

«Қазақмыс» компаниялар тобы мысты қала еңбеккерлері мен тұрғындарына мерекелік концерт пен цирк қойылымын тарту етті.

Салтанатты шарада сала мамандарына мемлекеттік наградалар мен түрлі марапатар табысталды. Олардың арасында Балқаш мыс балқыту зауытының жұмысшылары да бар. Кәсіпорынның үш маманына «Ерен еңбегі үшін» медалі табысталды. Сондай-ақ тағы бірнеше металлург «Еңбек даңқы» орденін иемденді. Озаттар қатарында Әбділ Кеңесбаев та бар. Оның мыс балқыту зауытының электролиздеу цехында еңбек етіп жүргеніне 16 жыл.

Әбділ Кеңесбаев, металлург:

 Қуаныштымын енді марапаттап жатқанына. Жұмыс істеп жүрген адам көркейіп қалады ғой. Барлық металлургтер бұған лайықты. Мереке құтты болсын! Жұмысы рас ауыр. Оған шыдайтын бар, шыдамай кетіп қалатындар бар. Оған да төзім керек қой.

Балқаш мыс балқыту зауытында 3 мыңға жуық адам еңбек етеді. Кәсіпорын қала тіршілігінің жүрегі саналады. Металлургтер күні қарсаңында мысты шаһар төрінде мерекелік концерт өтті. Тұрғындар үшін Мұрат Мұтырғановтың цирк шоуы ерекше тосын сый болды.

Блиц 1:

- Балқаш қаласында Металлургтер күні осындай мереке ұйымдастырылған. Жақсы бәрі. Цирк келіп жатыр. Балалар қуанышты.

Блиц 2:

- Бүгінгі мейрам құтты болсын! Алматыдан келген қонақтар едік. Мереке жақсы өтуде. Балаларға арналған қойылымдарды көріп жатырмыз, күшті.

Бұл күні қалада спорттық жарыстар да болды. «Қазақмыс» компаниялар тобы тұрғындар мерекені отбасымен ерекше атап өтуі үшін осындай көптеген шараларды ұйымдастырған.

Авторлары: Руслан Нұрланұлы, Сайран Ақамбаев, Зарина Зұлпыхар