Алматы облысында 40 мың гектар егістік тамшылатып суарылады

Алматы облысында тамшылатып суарылатын егістік көлемін 40 мың гектардан асыру көзделіп отыр, деп хабарлайды 24kz.

Бұл жөнінде облыс басшысы Марат Сұлтанғазиев «Егінжай күні» семинарында айтты. Жалпы елде суару технологиясы дұрыс қолданылмайды. Бастаудан шыққан судың жартысы алқапқа жетпей ысырап болып жатыр.

Алмас Сәдуақас, тілші:

- «Егінжай күні» – фермерлер үшін маңызды шара. Ғылыми-тәжірибелік семинарда Алматы, Жамбыл және Жетісу облысының басшылары ауыл шаруашылығы саласындағы мәселелерді талқылады. «Қазір су тапшы. Сондықтан шаруалар жаңа технологияларға бет бұрып, алқапты тамшылатып суғарғандары абзал», - деді Алматы облысының әкімі.

Марат Сұлтанғазиев, облыс әкімі:

- Ауылшарушылық өнімдер бойынша облыс республикалда екінші орында тұр. 12% үлесімен. Өңдеу жағынан да алғашқы орындардамыз. Биыл біз 14 мың га су үнемдеу технологиясына қостық. Жалпы бүгінгі күнге 34 мың га жеттік. Мақсатымыз – 40-тан асыру, 42-ге дейін жеткізу. Оны жыл аяғына дейін өсіретін шығармыз деп отырмыз.

Жиын Қазақ егіншілік және өсімдік шаруашылығы ғылыми-зерттеу институтының алқабында өтті. Фермерлер мен тауар өндірушілер өнімдерін көрсетіп, өзара тәжірибе алмасты. Жеміс өсіру ісінде ғылыми жетістік бар.

Жанар Қойлыбайқызы, Қазақ жеміс және көкөніс ғзи жетекші ғылыми қызметкері:

- Жаңа алма сорттары – «Анель», «Асылайым» өзінің климаттық жағдайларға қолайлы. Суыққа төзімді. Сондай сорттарды шығарып жатырмыз. Және де жүзімнің жаңа сорттары бар. Гибридтеріміз бар

Жалпы еліміздегі егістік алқаптарының 5%-і ғана тамшылатып  суарылады. АҚШ-пен салыстырғанда Қазақстанда су алты есе артық жұмсалады екен. Бұл мәселені шешу үшін кешенді бағдарлама керек. «Ал «Егінжай күні» сияқты агросектордың дамуы талқыланатын семинарлар әр облыс, аудандарда өткізу қажет», - дейді мамамндар.

Авторлары: А.Садуақас, В.Лорбанов