359.76 423.70 5.47
+7 (7172) 757 485 24kz@khabar.kz
ҚАЗ

Ата-аналар әскердегі балаларымен онлайн тілдесе алады

  • 179

Қарағандыдағы 6505 әскери бөлімінде сарбаздар мен ата-аналардың онлайн кездесуі өтті.

Өткен жылы өңірден 100-ге жуық азамат Қостанай, СҚО және Ақмола облыстарына ел алдындағы борышын өтеуге аттанған екен. Олар қазір қандай жағдайда өмір сүріп жатқаны кездесуде жан-жақты талқыланып, толық ақпарат берілді. Балаларын көріп, тілдескен ата-аналардың кейбірі көз жасына ерік берді. Бұл күні оларға казарма, асхана, лазарет, жаттығу алаңдары таныстырылды. Енді командирлер келешекте мұндай кездесулерді жиі ұйымдастырып тұруға ниетті.

Мұхаметқали Сатов, ҚР Ұлттық ұланның бас қолбасшысының орынбасары:

– «Ашық есік» күнін өткізіп отырмыз. Кейін басқа да аймақтарда  осындай іс-шараларды өткіземіз. Әскери бөлімдер не істеп жатқанын, балалары өз міндеттерін қалай орындап жатқанын халық білу керек.

Алмас Байсарин, cарбаздың әкесі:

– Әскери бөлімшемен толық танысып шықтық. Асханасын да көрдік, жатақханасын да, техникасын да көрдік. Көңілімізден шықты. Ұлттық ұланға рақмет. Балаларымыз риза.

Хабар 24 телеарнасы