Білім. Балаларды арифметика мен робототехника әлеміне жетелеп жүрген жас тәлімгерлер

«Бала тәрбиесі - бір өнер, өнер болғанда ауыр өнер. Жеке бір ғылым иесі болуды тілейтін өнер. Баланы дұрыс тәрбиелеу үшін әркімнің өз тәжірибесімен танысу керек» деп ой түйген екен ағартушы, ақын Мағжан Жұмабаев. Сыршыл ақынның жыр әлемінің бір шетіне ғана үстірт көз жүгіртіп үлгіргеніміз аян, ал зерттелмей жатқан еңбектері қаншама?! Мағжан педагогиканы да зерделегені бар. Баланы кім көрінген емес, осы бір ауыр іспен оның иесі айналысу керек дегені соның айғағы. Біз бүгін жеткіншектерді арифметика мен робототехника әлеміне жетелеп жүрген жас тәлімгерлер туралы баяндамақпыз.